AlProfit Consult

Çfarë ofron

Shërbime Kontabiliteti

Kontabiliteti është gjuha e biznesit, dhe ashtu si çdo komunikim, ky informacion duhet të jetë i shpejtë, në kohë reale, i kuptueshëm dhe i përshtatur për çdo rast. Ai duhet, mbi të gjitha, ti shërbejë qëllimit të marrjes së vendimeve.

Ne mund të realizojmë ngritjen e një sistemi të informacionit kontabël që mundëson informacion të plotë dhe në kohë reale. Shërbimi ynë i zyrës se kontabilitetit ofron raportim të plotë dhe analizë kritike që ju lejon të vlerësoni shëndetin financiar  të aktivitetit tuaj dhe të realizoni qëllimet tuaja të biznesit.

Shërbime Taksash

Ne e dimë se një nga qëllimet tuaja kryesore është te paguani nivelin e duhur te taksave. Kjo arrihet më së miri nëpërmjet planifikimit gjithëpërfshirës të taksave, së bashku me zyrën e kontabilitetit.

Administrimi i taksave është një nga fushat më të ndjeshme për sipërmarrjet sepse, administrimi i tyre efektiv sjell menaxhimin dhe uljen e mundshme të tyre por nga ana tjetër risqet që hasin bizneset nga shkelja e ligjeve në këto fusha, nga mosnjohja dhe mos përditësimi në kohën e duhur, sjell penalizimin e tyre.

Konsulencë Financiare

Ne mendojmë që biznesit janë të interesuar që, përveç shërbimeve rutinë, të zyrës së kontabilitetit, të përfitojnë edhe shërbime të tjera që mund të rrisin të ardhurat dhe fitimin e tyre. Sipërmarrjet, në disa raste, nuk marrin orientimet e duhura për të operuar dhe administruar bizneset e tyre sepse:

- Këto shërbime nuk kërkohen nga klientët e studios kontabël, duke gjykuar se këto shërbime nuk janë pjesë e aktivitetit të studios.
- Punonjësit e studios kontabël nuk bëjnë përpjekjet e duhura, për të dhënë sugjerimet dhe opinionet e tyre. në raste kur mund të jetë e nevojshme.

Pikërisht ky është edhe synimi ynë. Ne pretendojmë që të ndërtojmë një strukturë dhe mënyrë pune ku bëhemi pjesë e administrimit financiar të klientëve tanë.

Regjistrimi i Bizneseve

Pjesë e rëndësishme e shërbimeve të studios sonë të kontabilitetit është këshillimi dhe më pas ndjekja e procesit të regjistrimit fillestar dhe ndryshimeve të tjera në të dhënat e regjistrimit të bizneseve.

Ky shërbim është pjesë shumë e rëndësishme e punës tonë të përditshme, por për ne ai nuk është shërbim rutinë dhe proces i parëndësishëm e “punë që duhet të bëhet”. Përkundrazi, ne vlerësojmë që ky shërbim është shumë i rëndësishëm, dhe për fat të keq, sipërmarrjet nuk marrin shërbim cilësor, ose nuk vlerësohet sa duhet.

Intuit QuickBooks

Konsiderohet një nga platformat më të përdorura për administrimin kontabël dhe financiar në të gjithë botën. Lehtësia në përdorim, fleksibiliteti, njohja e tij nga përdoruesit në shkallë më të gjerë, kostoja relativisht e ulët, mundësia e madhe e përzgjedhjeve, etj. Ka shumë arsye për të cilat mund të rekomandohet përdorimi i kësaj platforme për të administruar informacionin financiar në sipërmarrjen tuaj.

Kurse Kontabiliteti

Ne besojmë që profesioni i ekonomistit është i lidhur shumë ngushtë me leximin e vazhdueshëm dhe njohjen me praktikat më të mira. Njohja me shumë profesionistë të fushës ka përforcuar bindjen tonë që ky është kushti kryesor i të pasurit sukses.

Programet e ndryshme të kurseve praktike, në fushën e kontabilitetit, janë një mundësi mjaft e mirë për çdo koleg të ri, ose praktikues apo pjestar të menaxhimit të sipërmarrjeve, për të kuptuar më shumë rreth profesionit të ekonomistit.